အားကစားသတင်း
 RSS Help
Search:  





 

နိုင်ငံ့ဂုဏ်ဆောင် အားကစား
သမားများ၏ ပုံတူပန်းပုများ ဇွန်လအတွင်း အပြီးသတ်နိုင်မည်
ပုံတူပန်းပု ထုလုပ်ရန် ကျန်ရှိနေသေးသည့် နိုင်ငံ့ဂုဏ်ဆောင် အားကစားသမားများ ၉၀ ကျော်၏ ပုံတူပန်းပုများကို ယခု ၂၀၁၅ ခုနှစ် ဇွန်လအတွင်း အပြီးသတ် ဆောင်ရွက်သွားမည် ဖြစ်ကြောင်း သိရသည်။ အားကစား ၀န်ကြီးဌာန၏ ကမ်းလှမ်းမှုဖြင့် ပန်းပုပညာရှင် ကျော်ကျော်မင်းက ယခုနှစ် ဇန်န၀ါရီလမှ စတင်ကာ နိုင်ငံ့ဂုဏ်ဆောင် အားကစားသမား ၉၀ ကျော်နှင့် မြန်မာ့ အားကစားလောကကို ဦးဆောင်ဦးရွက် ပြုခဲ့ကြသူတို့ အတွက် ပုံတူပန်းပုများကို ထုလုပ်ပေးခြင်း ဖြစ်ကာ လက်ရှိတွင် ထုလုပ် ပြီးစီးသွားသည့် ပုံတူပန်းပုများကို အားကစား မော်ကွန်းတိုက်တွင် ထားရှိသွားမည် ဖြစ်ကြောင်း သိရသည်။ “နိုင်ငံ့ဂုဏ်ဆောင် အားကစားသမား ၁၃ ဦးကိုတော့ ပုံတူပန်းပု ထုလုပ်ပြီးသွားလို့ အားကစား မော်ကွန်းတိုက်ကို ပို့လိုက်ပြီ။ ကျန်နေသေးတဲ့ နိုင်ငံ့ဂုဏ်ဆောင် အားကစားသမား ၉၀ ကျော်ကိုတော့ သုံးလအတွင်းမှာ အပြီးသတ် ထုလုပ်သွားမှာ ဖြစ်တယ်။ အဓိကကတော့ ရွှေတံဆိပ်ဆု လေးဆုအထက် ရရှိထားတဲ့ နိုင်ငံ့ဂုဏ်ဆောင် အားကစားသမား ၄၉ ဦးကို ဦးစားပေး ထုလုပ်သွားမှာ ဖြစ်တယ်” ဟု ပန်းပုပညာရှင် ကျော်ကျော်မင်းက ပြောကြားသည်။ လက်ရှိတွင် ပန်းပု ပညာရှင် ကျော်ကျော်မင်း အနေဖြင့် ရွှေတံဆိပ် ခြောက်ဆုရှင် နိုင်ငံ့ဂုဏ်ဆောင် ကျွမ်းဘား အားကစားသမားကြီး ဦးမြင့်အောင်၊ ရွှေ တံဆိပ် လေးဆုရှင် မြန်မာ့ ဂုဏ်ဆောင် အားကစားမယ် ဒေါ်နုနုရီ၊ ရွှေတံဆိပ်လေးဆု ရှင် နိုင်ငံ့ဂုဏ်ဆောင် အားကစားသမားကြီး ဦးသန့်ဇင် (အဝေးခုန်)၊ ရွှေတံဆိပ် လေးဆုရှင် နိုင်ငံ့ဂုဏ်ဆောင် အားကစားသမား ဦးထွန်းလင်း၊ ရွှေတံဆိပ် လေးဆုရှင် အလျားခုန် ဒေါ်အေးရွှေ၊ ဘောလုံးရွှေခေတ် ရွှေတံဆိပ် ၁၅ ဆုရှင် ဦးရဲညွန့်၊ ကမ္ဘာ့အဆင့် ရွှေတံဆိပ် လေးဆုရှင် ဂန္တ၀င်မြောက် နိုင်ငံ့ဂုဏ်ဆောင် အလေးမ အားကစား သမားကြီး ဗိုလ်ကြီးထွန်းမောင်၊ ရွှေတံဆိပ်ဆု လေးဆုရှင် အာရှ အပြေးချန်ပီယံ ဗိုလ်ကြီးခင်စိုး၊ နိုင်ငံ့ ဂုဏ်ဆောင် ရွှေတံဆိပ် ၁၅ ဆုရှင် ဦးအေးမောင်လေး (ဘောလုံး)၊ ရွှေတံဆိပ် ၁၆ ဆုရှင် နိုင်ငံ့ ဂုဏ်ဆောင် ဘောလုံးသမားကြီး ဦးမျိုးဝင်းညွန့် အစရှိသည့် နိုင်ငံ့ဂုဏ်ဆောင် အားကစားသမားများ၏ ပုံတူ ပန်းပုရုပ်ထု၊ ပန်းချီကားချပ်များကို ပန်းချီရွှေမြင့်၊ ပန်းချီသာဆန်းတို့နှင့်အတူ ပန်းပု ထုလုပ်ခဲ့ကြခြင်း ဖြစ်ကြောင်း သိရသည်။ (ပြည်မြန်မာ)



More News   

Copyright © 2008 Khit Lu Nge
All Right Reserved