နာဂစ်လွန် ပြန်လည်ထူထောင်ရေး ဆောင်ရွက်နေသော အာဆီယံလူသားချင်း စာနာမှုအကူအညီပေးရေးအဖွဲ့ (AHTF) နှင့် သုံးပွင့်ဆိုင်ဗဟိုအဖွဲ့ (TCG) ၏ လုပ်ငန်းများကို ဇူလိုင်လ ၃၁ ရက်နေ့တွင် တရားဝင် ရပ်ဆိုင်းရန် အာဆီယံနိုင်ငံခြားရေး ၀န်ကြီးများက သဘောတူညီခဲ့ကြောင်း အာဆီယံ၏ သတင်းထုတ်ပြန်ချက်အရ သိရှိရပါသည်။ အာဆီယံနိုင်ငံခြားရေးဝန်ကြီးများက ဗီယက်နမ်နိုင်ငံ ဟနွိုင်းမြို့တွင် ကျင်းပသည့် (၄၃) ကြိမ်မြောက် အာဆီယံနိုင်ငံခြားရေး ၀န်ကြီးများအစည်းအဝေးနှင့် ဆက်စပ် အစည်းအဝေးများ တက်ရောက်နေစဉ် ဇူလိုင်လ ၂၀ ရက်နေ့က ယင်းကဲ့သို့သဘော တူညီခဲ့ခြင်းဖြစ်ကြောင်း သိရသည်။ AHTF အဖွဲ့တွင် အာဆီယံနိုင်ငံများ၏ အဆင့်မြင့်နှင့် အကြီးတန်းအရာရှိကြီး ၂၀ ဦးပါဝင်ပြီး အာဆီယံအတွင်းရေးမှူးချုပ်က ဥက္ကဋ္ဌဖြစ်ပြီး သုံးပွင့်ဆိုင် ဗဟိုအဖွဲ့တွင် မြန်မာနိုင်ငံအစိုးရ၊ ကုလသမဂ္ဂနှင့် အာဆီယံမှ အဆင့်မြင့် အရာရှိကြီးများ ပါဝင်သည်။ သုံးပွင့်ဆိုင် ဗဟိုအဖွဲ့၏ လုပ်ပိုင်ခွင့် ဇူလိုင်လတွင် ကုန်ဆုံးချိန်၌ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနက နာဂစ်သင့်ဒေသ ပြန်လည်ထူထောင်ရေးအတွက် ညှိနှိုင်းဆောင်ရွက်မှုတာဝန်ကို လွှဲပြောင်းတာဝန် ယူသွားမည် ဖြစ်သည်။ ၂၀၀၈ ခုနှစ် မေလ ၂ ရက်နေ့ နှင့် ၃ ရက်နေ့များက တိုက်ခတ်ခဲ့သော နာဂစ် မုန်တိုင်းကြောင့် အရပ်ရပ်ပျက်စီးဆုံးရှုံးမှု တန်ဖိုးမှာ အမေ ရိကန်ဒေါ်လာ ၄၀၅၇ သန်းဖြစ်ကြောင်း သိရသည်။ နာဂစ်လေဘေးသင့်ဒေသတွင် ၂၀၀၉-၂၀၁၁ သုံးနှစ်အတွင်း အကောင်အထည်ဖော်မည့် နာဂစ်လွန် ပြန်လည် ထူထောင်ရေးနှင့် သဘာဝဘေးအန္တရာယ် ကြိုတင်ပြင်ဆင်မှု အစီအစဉ် (Post Nargis Recovery Preparation and Plan - PONREPP) ၌ ပါရှိသောလုပ်ငန်းများကို ဆောင်ရွက်ရန် အမေရိကန်ဒေါ်လာ ၆၉၁ သန်းလိုအပ်ရာ ရန်ပုံငွေလိုအပ်ငွေ၏ ၂၅ ရာခိုင်နှုန်းခန့်သာရရှိသေးကြောင်း သိရသည်။ နာဂစ် မုန်တိုင်းသင့် ဒေသ၌ ပြန်လည် ထူထောင်ရေး လုပ်ငန်းများ ဆောင်ရွက်ရာတွင် တိုးတက်မှုအချို့ရှိသည် ဆိုရာ၌ အစားအစာဖူလုံမှု၊ ကျန်းမာရေး ပြုစုစောင့်ရှောက်မှုနှင့် သန့်ရှင်းသော သောက်ရေရရှိမှုပိုင်း၌ တိုးတက်မှုရှိလာသော်လည်း လုံခြုံစိတ်ချရသော နေအိမ်များ ဆောက်လုပ်ပေးရေးနှင့် အသက်မွေးဝမ်း ကျောင်းလုပ်ငန်းများ ဖန်တီးပေးရေး ဆောင်ရွက်ရန် လိုအပ်နေဆဲဖြစ်ကြောင်း ၂၀၁၀ ခုနှစ် ဇူလိုင်လ ၃၀ ရက်နေ့ထုတ် Bi Weekly Eleven ဂျာနယ်တွင် ဖော်ပြ ထားပါသည်။